Во интервју за „ABC“ Њуз, Џефрис оцени дека Хегсет е одговорен за започнувањето на војната во Иран. Тој ја опиша војната како непромислена и скапа и оцени дека довела до повисоки цени и ја направила земјата помалку безбедна.
Џефрис рече дека демократите подетално ќе разговараат за предлогот во вторник наутро, кога пратениците ќе се соберат во Вашингтон за првпат по меѓуизборите. Тој оцени дека многу негови колеги ја поддржуваат смената.
Републиканскиот конгресмен во заминување Томас Маси од Кентаки изјави дека во понеделник повторно ќе поднесе резолуција за отповикување на Хегсет.
Хегсет ги нарече критиките неосновани и рече дека не планира да се повлече. Тој го нарече предлогот за отповикување лажен, додека претседателот Доналд Трамп претходно го бранеше, велејќи дека министерот завршил фантастична работа.
Демократите однесоа убедлива победа над републиканците на меѓуизборите минатата недела, но промените во Конгресот ќе станат видливи од јануари, кога новиот состав официјално ќе ја преземе должноста. Војната во Иран била една од клучните теми на изборната кампања; изворот наведува и висока инфлација и раст на цените на енергенсите во САД.







Коментари (0)
Коментарите за оваа објава се затворени.