Според анкетите што ги наведува весникот, партијата има поддршка од околу 30 отсто, нешто под веројатниот праг за мнозинска влада. Затоа, и покрај очекувањата дека ќе ја формира следната покраинска влада, неизвесно е дали ќе обезбеди мнозинство. „Гардијан“ оценува дека победа на Парти кебекуа веројатно би ги обновила острите судири меѓу Квебек и федералната влада околу јазикот и идентитетот.
Лидерот Пол Сен-Пјер Пламондон повеќепати ветувал референдум за независност од Канада во првиот мандат на неговата влада. Но, на почетокот на кампањата рекол дека нема да го одржи додека Доналд Трамп е на власт. „Гардијан“ наведува дека големо мнозинство жители на Квебек не сакаат референдум во блиска иднина, особено додека Канада е во трговска војна со САД.
Пламондон ветува значително намалување на имиграцијата и забрана за носење впечатливи верски симболи кај наставниците и учениците. Според аналитичарите наведени во „Гардијан“, неговата изборна поддршка повеќе се должи на десничарските позиции за идентитетските прашања отколку на сепаратизмот, бидејќи мнозинството гласачи не поддржуваат независен Квебек.
Аналитичарот на анкети Филип Фурние оценува дека на Парти кебекуа ѝ помага и поделбата на десно ориентираниот националистички глас меѓу четири партии. Според него, гласачите што не ја поддржуваат партијата не се согласуваат за кого да гласаат.







Коментари (0)
Коментарите за оваа објава се затворени.