Најважно
353 вести · 24 ч.
Берово 6°
Најважно
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

Заврши проектот „Допри го голот“ за инклузивен фудбал

Извор на фотографијата: Фудбалска Федерација на Македонија
Извор на фотографијата: Фудбалска Федерација на Македонија
  • Во проектот беа опфатени 130 ученици, а обука поминаа 18 наставници.
  • Проектот го реализираше ОУРЦ „Иднина“ со финансиска поддршка од УЕФА Фондацијата за деца.
  • Проектот опфати вкупно 10 основни училишта.

Едногодишниот проект „Допри го голот“ заврши со конференција во Скопје, на која беше претставен прирачник за приспособување на фудбалските активности за деца со атипичен развој. Во проектот беа опфатени 130 ученици, а обука поминаа 18 наставници.

Проектот го реализираше ОУРЦ „Иднина“ со финансиска поддршка од УЕФА Фондацијата за деца. Неговата цел беше да создаде можности за поголема вклученост на децата со атипичен развој во фудбалот и другите спортски активности, како и да ги унапреди капацитетите на наставниците и стручните лица.

Обуката на наставниците по физичко и здравствено образование беше за примена на инклузивни методологии и активности во наставата и спортската практика. Проектот опфати вкупно 10 основни училишта.

Прирачникот „Практичен водич за создавање инклузивни спортски средини преку фудбал“ е наменет за наставници по физичко образование, тренери, фудбалски школи и клубови. Достапен е на македонски, албански и англиски јазик.

Водичот нуди насоки за приспособување на тренинзите и спортските активности за децата со атипичен развој, со цел нивно полесно вклучување и рамноправно учество. Содржи и алатки за развој на фудбалските вештини, комуникацијата и тимската соработка.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.