Детските трки почнуваат денес во 11:30 часот и ќе се одвиваат во четири возрасни категории. Во 13:30 часот следува „Run Together“. Првиот ден е посветен на децата и на инклузијата, со цел спортот да биде достапен и отворен за сите.
Главниот натпреварувачки дел е утре, 15 ноември, на градските улици. Трката на пет километри ќе почне во 09:00 часот, а стартот на десеткилометарската трка е во 10:00 часот.
Манифестацијата бележи повеќе од 2.800 учесници и меѓународно учество од десет држави. Покрај натпреварувањето, настанот е насочен кон промоција на активниот живот, локалната средина и поврзувањето на заедницата.
Зад организацијата стои Атлетскиот клуб „7 Ноември“ од Гевгелија. Во манифестацијата се вклучени волонтери, партнери и локалната заедница, со институционална поддршка од Општина Гевгелија.







Коментари (0)
Коментарите за оваа објава се затворени.