„Жената не треба прво да изгори за општеството да ја препознае нејзината сила!“ рече Зајкова. Таа порача муралот да биде потсетник дека зад секоја жена стои приказна што заслужува почит, достоинство и еднакви можности.
„Жена Феникс“ е авторско дело на Драган Китановски-Драш, Миро Грчев-Микс и Марјан Димиќ-Мачка. Муралот го симболизира митолошкото повторно раѓање и издигнување од пепелта.
Зајкова го опиша делото како приказна за илјадници жени што работат, создаваат, се грижат, се жртвуваат и се борат. Во таа приказна, според неа, е и мајката која наоѓа сила за своите деца дури и кога нема сила за себе, но и жената која зад затворени врати преживува страв, закани и насилство, а не престанува да сонува за слобода.
Според Зајкова, општествената задача не е само да им се восхитуваме на жените што успеале повторно да се издигнат, туку да изградиме општество во кое ниту една жена нема сама да поминува низ страдањето.







Коментари (0)
Коментарите за оваа објава се затворени.