360 вести · 24 ч.
Берово 6°
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

Трајков: Преку 45% од правото на ЕУ е транспонирано во домашниот систем

Извор на фотографијата: Министерство за европски прашања
Извор на фотографијата: Министерство за европски прашања

Заменик-министерката за европски прашања Викторија Трајков изјави дека преку 45% од правото на ЕУ е транспонирано во домашниот правен систем. Таа ова го кажа денеска, на отворањето на дводневната работилница на „TAIEX“ за усогласување на законодавството со правото на ЕУ.

Трајков рече дека земјата повеќе од две децении го усогласува правниот и институционалниот систем со правото на ЕУ, во согласност со обврските од Спогодбата за стабилизација и асоцијација. Процесот, според неа, започнал со клучни акти поврзани со внатрешниот пазар, а потоа се проширил на сите други области.

На работилницата беа претставени европски и регионални искуства и конкретни насоки за прилагодување кон европското законодавство во одделни области.

Трајков оцени дека правилната транспозиција е суштинска за ефикасно спроведување на законодавството според европските правила и стандарди. Како инструменти за забрзување на трансформацијата, паралелно со преговорите, ги посочи Планот за раст на ЕУ за Западен Балкан и Реформската агенда. Таа оцени дека квалитетната хармонизација е услов за финансиска поддршка и придобивки што граѓаните и компаниите можат да ги почувствуваат пред полноправното членство.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.