Покрај двата закона, Шасивари ги наведе зајакнувањето на институциите, независното и професионално правосудство и ефикасната борба против корупцијата како фокус на реформите.
Тој ги нарече охрабрувачки оценките на Вал за посветеноста и напредокот на Владата и институциите и рече дека ја цени поддршката на меѓународните партнери и нивното препознавање на преземените чекори. Вал во интервјуто за МИА оцени дека правосудната реформа е сложен процес, а донесувањето на новиот Кривичен законик и новиот Закон за кривичната постапка сѐ уште се очекува.
Шасивари исто така ја опиша реформата како сложен процес што бара посветеност, одговорност и континуитет. Според него, работата не застанува на законските решенија, туку опфаќа суштински промени што треба да донесат поголема правна сигурност, институционална одговорност и доверба кај граѓаните.
Целта, рече министерот, е правосудство во кое правдата ќе биде еднаква за сите, а владеењето на правото ќе биде реалност, не само декларација. „Резултатите мора да бидат видливи за секој граѓанин!“, порача Шасивари.







Коментари (0)
Коментарите за оваа објава се затворени.