Партијата тврди дека отпад има на повеќе локации и ја опишува сликата низ градот како голема депонија. Оценува дека оставањето отпад со денови и недели испраќа погрешна порака до граѓаните: наместо да поттикнува одговорно однесување и почитување на правилата, создава впечаток дека чистотата никому не му е важна.
Критиката ја насочува кон ЈП „Комуналец“, кое, според СДСМ Битола, наместо на јавната чистота, сѐ повеќе внимание посветува на поскапувањето на услугите и на барањата за дополнителни средства од општинската каса. Партијата ја доведува во прашање и наведената намена на тие средства, посочувајќи дека тие се бараат наводно за уредување на урбаното зеленило.
СДСМ Битола бара чисти улици и уредени јавни површини, а од „Комуналец“ да ја извршува својата основна задача – одржување на хигиената во градот.






Коментари (0)
Коментарите за оваа објава се затворени.