На вчерашната прес-конференција, според соопштението на СДСМ, Филипче наведе дека приходите од ДДВ и акцизи за горива во 2025 година изнесувале околу 417 до 500 милиони евра. Според неговата пресметка, за недостиг од околу 130 милиони евра би требало овие давачки воопшто да не се наплаќале три месеци.
Филипче тврдеше и дека цените на горивата се зголемиле за повеќе од 50 проценти. Врз таа основа оцени дека, и со намалени ДДВ и акцизи, приходите од поскапите горива би биле најмалку исти, ако не и повисоки.
Тој предупреди дека во Буџетот недостига една милијарда евра и дека недостигот ќе се покрива со нови задолжувања. Призна дека кризата има придонес во состојбата, но оцени дека тој не е доволен за да ја објасни потребата од нов ребаланс.






Коментари (0)
Коментарите за оваа објава се затворени.