Најважно
347 вести · 24 ч.
Берово 6°
Најважно
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

Поранешниот градоначалник на Скопје Трифун Костовски повика историските спорови да не поттикнуваат омраза

Фотографија објавена на јавниот профил на Трифун Костовски
Фотографија објавена на јавниот профил на Трифун Костовски
  • Костовски наведува дека за автентичноста на моштите има различни ставови и сомнежи.
  • Според него, внесувањето на Бугарите во Уставот е услов за европскиот пат.

Поранешниот градоначалник на Скопје Трифун Костовски повика историските спорови на Балканот, вклучително и дебатата за моштите што му се припишуваат на цар Самоил, да не поттикнуваат омраза и поделби. Во денешна објава тој повика на поголема почит и соработка меѓу народите.

Костовски се осврна на информацијата дека бугарските власти постигнале договор со Грција за пренесување од Солун во Софија на моштите што му се припишуваат на цар Самоил, како и на интервјуто на професорот Александар Атанасовски за Бугарското национално радио.

Тој наведува дека за автентичноста на моштите има различни ставови и сомнежи. Според Костовски, поважно од тоа каде ќе почива цар Самоил е дали живите ќе научат да живеат едни со други.

Костовски пишува дека внесувањето на Бугарите во Уставот се бара како услов за продолжување на европскиот пат на земјата. Истовремено, наведува дека во македонската јавност постои чувство оти официјална Софија оспорува или релативизира делови од македонската национална посебност, јазикот, културата, историјата и традицијата. Тој вели дека тоа ја зголемува недовербата.

Тој ги повика политичките лидери во Софија да запрат со политиките и симболичните потези што во Македонија се доживуваат како провокација и да бараат начини за зближување меѓу народите.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.