Мицевски оцени дека расправата треба да се темели на документи и факти. Тој се повика на одлука објавена во „Службен весник“ бр. 123 од 2023 година, за која рече дека тогашната влада предводена од СДСМ дала согласност за продажба на акции во тогашна Стопанска банка АД Битола, денешна АЛТА банка.
Тој тврдеше дека дел од луѓето што учествувале во носењето на владините одлуки сега се обидуваат да ја префрлат одговорноста и да создадат поинаква слика за настаните. Мицевски оцени и дека институционалната одговорност треба да се утврдува врз основа на документи, факти и конкретни постапки, а не преку дневнополитички обвинувања.
На истата расправа, претседателот на СДСМ и пратеник Венко Филипче побара одговор за ограничувањата при повлекување пари од банката. Пратеникот Бојан Стојаноски од ВМРО-ДПМНЕ праша дали продажбата била реализирана врз основа на одлуката од 2023 година и како таа се разликува од одлуките на актуелната влада.







Коментари (0)
Коментарите за оваа објава се затворени.