Според Манасиевски, кредитот го добива фирмата „АС Сењак“, за која вели дека е во сопственост на сватот на Ахмети. Тој ја посочи и како партнерска фирма на Дрин Ахмети, внукот на Али Ахмети, во купувањето на Соравија, а СДС го обвини дека во целиот процес дејствува како „спотер“.
Манасиевски го поврза кредитот со владината седница од 24 октомври 2023 година, на која, според него, тогашниот министер за финансии во Владата на СДС и ДУИ, Фатмир Бесими, ја отворил темата за Алта банка.
Од Филипче и СДС побара да кажат дали, кога ја отворале точката на владина седница, Давор Мацура бил криминалец и дали тогаш Алта банка имала сомнителен капитал. Ги праша и зошто молчеле за соработката на ДУИ со Мацура и со банката.
Манасиевски ги обвини СДС дека се подготвени на сѐ за да останат подолго на власт. Критиките на Филипче и СДС за Алта банка ги оцени како дејствување во сопствен интерес.






Коментари (0)
Коментарите за оваа објава се затворени.