Левица тврди дека парите се насочуваат кон делот каде што се градат хациенди и каде што, според партијата, приватните инвеститори остваруваат огромен профит. Наспроти тоа, огранокот обвинува дека староседелците во стариот дел на Бардовци остануваат без инвестиции, без соодветен развој и без решавање на нивните потреби.
Според Левица, наведените 80 милиони денари се предвидени за улици и сообраќајни решенија во повеќе делови на општината, меѓу кои Џумајска, Загребска и населбите Карпош 1, 2, 3 и 4. Огранокот тврди дека старите населби со години чекаат реконструкција на улиците, изградба и санација на канализациската мрежа и основно одржување на инфраструктурата.
Како дополнителен аргумент за нееднаквиот третман, огранокот ги наведува разликите во комуналиите. Според Левица, жителите на Бардовци плаќаат 50 евра, додека во останатиот дел од Карпош се плаќаат 161 евро. Партијата ја оценува оваа разлика како привилегија за едни, наспроти повеќе од трипати повисоки комуналии за други.
Од Левица бараат јавните пари да бидат во служба на граѓаните, а не на профитот на градежниот бизнис, порачувајќи дека Карпош не е приватна општина на инвеститорите.






Коментари (0)
Коментарите за оваа објава се затворени.