Меморандумот предвидува размена на информации и искуства за примената на меѓународните статистички стандарди и методологии, развој на техничката соработка и организирање експертски посети, работилници и семинари.
Меморандумот беше потпишан во рамките на 111. Конференција на претседателите на националните статистички институции на Европа, одржана на 28 и 29 октомври 2026 година во Берн, Швајцарија. Главна тема беше влијанието на вештачката интелигенција врз создавањето, објавувањето и користењето на официјалната статистика. На конференцијата беа разгледани и достапноста и повторната употреба на податоците, зачувувањето на довербата и веродостојноста на статистиката, како и приспособувањето на институциите кон новите технолошки предизвици.
На конференцијата учествуваше директорот на Државниот завод за статистика, Дејан Станков. Тој оствари и билатерална средба со директорката на Статистиката на Шведска, Ева-Ло Иге, на која биле разменети искуства и разгледани можностите за продлабочување на соработката меѓу институциите.







Коментари (0)
Коментарите за оваа објава се затворени.