На подрачјето на СВР Штип, службеници од Отсекот за превенција и од полициските станици за безбедност на патниот сообраќај, заедно со претставници на РСБСП, вчера разговараа со возачите за безбедно патување во зима. Им укажаа на користењето соодветни пневматици, поседувањето синџири за снег и приспособувањето на брзината кон условите на патот. Целта на активноста беше зголемување на севкупната безбедност во сообраќајот.
На наплатните станици Желино, Тетово и Гостивар, Отсекот за превенција при СВР Тетово и сообраќајната полиција вчера ги потсетија возачите на носењето и користењето зимска опрема. Акцијата беше посветена и на сеќавањето на жртвите од сообраќајни незгоди, со повик за одговорно однесување за патишта без жртви.
На учесниците во сообраќајот им беа поделени пригодни подароци и едукативни материјали изготвени од МВР, РСБСП и Факултетот за безбедност Скопје.
На подрачјето на СВР Струмица, полицајци и претставници на РСБСП вчера го одбележаа Светскиот ден за сеќавање на жртвите од сообраќајни незгоди со активноста „Стоп за смртта на патиштата-вози одговорно“. На повеќе локации делеа едукативни летоци и разговараа со возачите за почитување на сообраќајните правила, особено на ограничувањата на брзината. МВР ја посочи неприлагодената брзина како најчеста причина за сообраќајни незгоди.







Коментари (0)
Коментарите за оваа објава се затворени.