Соговорниците ја нагласија важноста од заедничко креирање и спроведување политики и мерки за социјално вклучување, подобар пристап до услуги и соодветна заштита на ранливите категории лица.
За идната соработка разговараа за можностите за заеднички активности, експертска поддршка и јакнење на институционалните капацитети. Овие форми на партнерство беа разгледани заедно со идните приоритети на Министерството и УНХЦР.
На протоколарната средба учествуваа Никол Ептинг, претставничка на Високиот комесаријат за бегалци на Обединетите нации (УНХЦР) за Централна и Југоисточна Европа, Стефани Волденберг, виш офицер за заштита, и Тања Бундалеска, помошник-офицер за заштита и раководител на канцеларијата на УНХЦР во Скопје.
Министерството ја поставува соработката со меѓународните организации и партнери во насока на унапредување на системот на социјална заштита, градење инклузивно општество и почитување на правата и достоинството на секој поединец.







Коментари (0)
Коментарите за оваа објава се затворени.