За преостанатите 30 објекти е завршена проектната документација. Почетокот на работите во нив е планиран за почетокот на 2027 година.
Напредокот и плановите биле презентирани вчера во Скопје, на петтиот состанок на Управниот комитет на проектот, одржан во Министерството. Проектот има вкупен буџет од 10 милиони евра, го финансира Европската Унија, а го спроведува Канцеларијата на ОН за проектни услуги, УНОПС.
Во рамките на проектот, на Град Скопје му се предадени шест автобуси на компримиран природен гас. Засадени се вкупно 6.000 садници во Скопје, Куманово, Тетово и Битола, а завршена е и физибилити студијата за проширување на топлификациската мрежа во Скопје.
За следење и анализа на квалитетот на воздухот е набавена и инсталирана опрема за Централната лабораторија за животна средина. Таа вклучува мерни инструменти наменети за три станици од Државната мониторинг-мрежа во Скопје и Тетово, како и прецизна микроаналитичка вага за лабораторијата.







Коментари (0)
Коментарите за оваа објава се затворени.