Меморандумот го потпишаа и Царинската управа, Управата за финансиска полиција, Управата за финансиско разузнавање и Агенцијата за управување со одземен имот.
Со ЛЕРМС се воспоставуваат соработка и интероперабилност, а се зајакнуваат координацијата и размената на податоци меѓу институциите во борбата против организираниот криминал, корупцијата, перењето пари и финансирањето тероризам.
Државниот јавен обвинител Савески очекува брзата и координирана размена на информации да помогне во спречувањето на ширењето неточни и непроверени податоци, зголемувањето на довербата во институциите и усогласувањето со европските стандарди. Тој посочи дека податоците, вклучително и статистичките, треба да овозможат детален преглед на трендовите на криминалитетот за тие навремено и успешно да се пресретнуваат.







Коментари (0)
Коментарите за оваа објава се затворени.