Кај возилата до 3.500 килограми, зимски гуми треба да има на сите четири тркала, со шара длабока најмалку четири милиметри. Како зимска опрема се прифаќаат и летни гуми со најмалку четири милиметри шара на сите тркала, ако возилото има синџири за снег со соодветна големина за погонските тркала или други соодветни помагала.
Кај возилата со погон на сите четири тркала, зимските гуми треба да имаат шара длабока најмалку шест милиметри. Со летни гуми со најмалку четири милиметри шара може да се вози ако возилото има синџири за снег. Кај постојан погон синџирите треба да бидат најмалку на задната осовина, а кај преклоплив погон на постојано вклучената осовина.
Кај возилата потешки од 3.500 килограми, зимските гуми на погонските тркала треба да имаат шара длабока најмалку шест милиметри. Алтернатива се летни гуми со најмалку четири милиметри шара и соодветни синџири за снег или други соодветни помагала. Автобусите и товарните моторни возила што поради технички причини не можат да постават синџири на погонските тркала мора да имаат зимски гуми на тие тркала и лопата.
Зимските гуми се препознаваат по ознаките „MS“, „M+S“ или „M & S“ и симболот на снегулка на стилизирана планина со три врва. Гумите со клинци се забранети во патниот сообраќај.







Коментари (0)
Коментарите за оваа објава се затворени.