Пошумувањето е планирано на Ѓермо и Сетоле, на по шест хектари. Површината на Сетоле ќе биде поделена на два дела од по три хектари. Меѓу предвидените видови се ела, смрча, бел бор, бука и јавор, а изборот и распоредувањето ќе се приспособат на природните услови на теренот.
Соработката предвидува и редовна нега во наредните две години, следење на здравствената состојба на садниците и дополнување таму каде што ќе биде потребно. Националниот парк Шар Планина го опишува пошумувањето како долгорочен процес за обновување на оштетените шумски површини, враќање на природната вегетација и создавање услови за развој на здрави и отпорни шуми.
На 11 ноември партнери од Холандија и претставници на паркот ги посетија површините на кои се одвиваат активностите, како и дел од локациите пошумени минатата година. Заедно ја разгледаа состојбата и развојот на младите насади, разменија искуства и разговараа за следните активности за обновување на шумските екосистеми.







Коментари (0)
Коментарите за оваа објава се затворени.