Најважно
350 вести · 24 ч.
Берово 6°
Најважно
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

МВР: Шестмина од деветте приведени возачи возеле без положен испит

Фотографија од настанот · Министерство за внатрешни работи
Фотографија од настанот · Министерство за внатрешни работи
  • Шестмина од деветте приведени возачи немале положен возачки испит.
  • Еден возач управувал возило и покрај активната забрана.
  • Кривични пријави ќе следуваат по целосното документирање на случаите.

Девет возачи се лишени од слобода во изминатото деноноќие на различни локации во Македонија, а шестмина од нив возеле без положен возачки испит, соопшти МВР. Еден од шестмината бил и под дејство на алкохол.

Според МВР, без положен возачки испит управувале А.С. (46), М.Р. (26) и З.С. (26), сите од Скопје, А.М. (27) од скопското село Никиштани и Г.Т. (56) од селото Подлес, општина Градско. Во оваа група е и А.К. (28) од кавадаречкото село Дреново, за кого полицијата наведува дека возел и под дејство на алкохол.

Поради возење под дејство на алкохол се лишени од слобода и Г.Ј. (49) од Кочани и М.С. (35) од Куманово. Д.С. (21) од Крива Паланка, пак, според полицијата, управувал возило иако имал активна мерка забрана за управување со моторно возило.

МВР ги товари деветтемина за кривичното дело „безобѕирно управување возило“ по член 297-а од Кривичниот законик. По целосното документирање на случаите ќе бидат поднесени соодветни кривични пријави.

Министерството апелира учесниците во сообраќајот да ги почитуваат правилата и прописите и да не возат без положен испит, со изречена забрана за управување или под дејство на алкохол.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.