Според МВР, со лажните пораки и линкови граѓаните се насочуваат кон веб-страници за да внесат лични и банкарски податоци, кои би можеле да бидат злоупотребени.
Министерството советува граѓаните да не отвораат сомнителни линкови, да не внесуваат податоци од платежни картички, лозинки или други лични информации на непроверени веб-страници и да не вршат уплати преку линкови добиени во сомнителни пораки.
Според МВР, официјалните СМС известувања за сообраќајни прекршоци од системот „Безбеден град“ се испраќаат од „MVR-SC“ и задолжително ја содржат регистарската ознака на возилото со кое е направен прекршокот. Линкот во пораката води до официјалната веб-страница на системот.
Секторот за компјутерски криминал при МВР презема мерки за откривање и санкционирање на сторителите на ваквите измами.







Коментари (0)
Коментарите за оваа објава се затворени.