Во Скопје биле лишени од слобода осум лица, меѓу кои и 17-годишничка од градот. Според МВР, при прегледите биле пронајдени и одземени марихуана и бела прашкаста материја. Покрај петте лица од Скопје, биле лишени од слобода и по едно лице од Велес, Гостивар и Турција.
Во Тетово бил лишен од слобода Л.А. (36), кај кого биле пронајдени и одземени две пакувања со кокаин и кујнски нож. Во одделен случај во спортска обложувалница бил лишен од слобода К.А. (34), кај кого бил пронајден предмет со остатоци од кокаин. Во врска со тој настан било лишено од слобода и одговорното лице на објектот, С.Р. (62) од Челопек, поради сомнение за „овозможување употреба на опојни дроги“ според член 216 од Кривичниот законик, наведува МВР.
Во Гостивар бил лишен од слобода С.А. (29), кај кого било пронајдено и одземено пакување со кокаин. Во Штип биле лишени од слобода А.Ѓ. (22) и В.И. (24), кај кои, според полицијата, биле пронајдени и одземени грутчеста материја и марихуана.
На Табановце, при влез во државата, бил лишен од слобода Ј.М. (37) од Чешка, откако во неговиот личен багаж била пронајдена и одземена марихуана. Тој допатувал со автомобил со чешки регистарски ознаки. Во Кавадарци бил лишен од слобода А.Г. (31), откако при преглед кај него била пронајдена и одземена марихуана, соопшти МВР.
Од Министерството најавуваат соодветни поднесоци по целосното документирање на случаите.







Коментари (0)
Коментарите за оваа објава се затворени.