По обуките во Скопскиот, Полошкиот, Источниот и Пелагонискиот регион, циклусот продолжува во Југоисточниот регион. Според Министерството, досега низ програмата поминале повеќе од 1.000 административни службеници.
Програмата опфаќа менторство, комуникациски вештини, еднаквост и недискриминација. Целта е стекнатите знаења и вештини да се применат во институциите и да придонесат за подобар однос и услуга кон граѓаните.
Обуките се дел од пошироката реформа на професионалниот развој на административните службеници. Со Законот за стручно усовршување и обука е поставена основата за континуирано учење и развој во текот на кариерата. Во 2027 година се очекува да започне со работа Академијата за стручно усовршување и обука на административните службеници.







Коментари (0)
Коментарите за оваа објава се затворени.