„ISO“ 50001 се однесува на системите за управување со енергијата. Герасимовски ја истакна неговата важност не само како структуриран пристап кон управувањето, туку и како поддршка за организациите да го искористат потенцијалот за постојано подобрување.
Герасимовски учествуваше како претставник на Институтот за стандардизација на Република Северна Македонија (ИСРСМ) и експерт во неговиот технички комитет ТК 9 – Менаџмент со квалитет, животна средина и ризици.
Заедно со други членови и експерти од глобалната мрежа, тој сподели практично искуство и техничко знаење во Павилјонот за стандарди, каде што беа сосредоточени активностите на „ISO“ на „COP31“. Павилјонот имаше директна улога во спроведувањето на Глобалната агенда за климатски дејствија.
Размената обедини различни перспективи и беше насочена кон развивање решенија за глобалните предизвици. Во дискусиите експертите ги поврзаа локалните искуства и техничката експертиза со глобалните климатски приоритети.
Како главна порака од активностите и дискусиите на конференцијата на Обединетите нации изминативе денови, ИСРСМ го издвои повикот климатските заложби да се претворат во конкретни акции и дејства.







Коментари (0)
Коментарите за оваа објава се затворени.