Сценариото симулираше прием на итна порака за опасност, DISTRESS, од активиран ELT на фреквенција од 406 MHz на територијата на Северна Македонија. Се тестираа преносот на информации, брзата процена на состојбата и координираното планирање на одговорот, согласно Оперативниот план за постапување при воздухопловни инциденти.
Во вежбата учествуваа ЦУК, Министерството за внатрешни работи, Генералштабот на Армијата, Дирекцијата за заштита и спасување, Министерството за здравство и Итната медицинска помош, Планинската спасителна служба, Црвениот крст, Капетанијата во Охрид, М-НАВ, КИНСИВ, Агенцијата за цивилно воздухопловство, ТАВ Аеродроми и Воздухопловната федерација на Македонија.
Директорот на ЦУК, Мухамед Али, ги поздравил присутните и им посакал успешно спроведување на вежбата, нагласувајќи ја важноста на ефикасната координација, брзата комуникација и навременото постапување при воздухопловни несреќи.
Според ЦУК, вежбата придонела за утврдување на нивото на меѓуинституционална соработка и подготвеност, како и за согледување на можностите за унапредување на брзиот, координиран и ефикасен одговор, со приоритет на спасувањето човечки животи.







Коментари (0)
Коментарите за оваа објава се затворени.