Активностите во СВР Штип треба да завршат до крајот на годината. За опфаќање на подрачјето на СВР Битола ќе бидат потребни најмногу месец до месец и половина.
Според предлозите на експертите, постојните полициски возила треба да се опремат со камери за мерење на брзината на возилата во движење. Планирана е и набавка на мобилни камери за таканаречените црни точки, каде што најчесто се случуваат сообраќајни несреќи со загинати и тешко повредени лица.
Тошковски рече дека досегашните анализи покажале оти поставувањето камери само на однапред утврдени локации нема да има доволен превентивен ефект. Ќе се утврдуваат критичните сообраќајни точки во урбаните средини, како и на магистралните и експресните патишта. Според министерот, целта е возачите да знаат дека прекршоците може да бидат откриени без оглед на тоа каде се движат.







Коментари (0)
Коментарите за оваа објава се затворени.