За „Солидарност“ ќе се разгледуваат и барањата за согласност на финансиските извештаи за првите три, шест и девет месеци од 2026 година. Пред советниците ќе биде и барањето за согласност на Програмата за одржување на комуналната хигиена во зимски услови за 2026/2027 година.
За ЈП „Кале“ од Блатец се предложени одлуки за распишување јавни повици за членови на Управниот и Надзорниот одбор, како и формирање комисија за нивна селекција.
Во буџетскиот дел е предложено проширување на средствата на општинскиот буџет за 2026 година. Урбанистичките точки опфаќаат пристапување кон иницијатива за измени и дополнувања на дел од деталниот урбанистички план за Блок 2, дел 4 во Виница, како и иницијатива за урбанистички проект со план за парцелација на градежна парцела формирана на дел од КП 8563, КО Виница, од планот донесен на 28 октомври 1997 година.
Со дополнувањето на дневниот ред е предложена и иницијатива за урбанистички проект надвор од опфат на урбанистички план, со намена Г2.1 – згради од лесната индустрија, сепарација, на КП 4061 и КП 4062 во КО Виница. Одделно ќе се разгледува барањето на Петре Ангелов од Виница за развој на бањски туризам, односно користење на термалните води.
За јавните установи се предложени преотстапување движни ствари на градинката „Гоце Делчев“ и давање позитивно мислење за измените и дополнувањата на Статутот на ООУ „Никола Парапунов“ во Драгобраште. На дневен ред се и програмите за превентивна дезинсекција и за Центарот за јавно здравје – Кочани за 2027 година.
Советниците ќе ја разгледуваат програмата за свечен дочек на Новата 2027 година и дополнувањето на програмата за урбана опрема во Виница за 2026 година. Дополнувањето се однесува на условите, стандардите и постапката за поставување детски забавни реквизити, дрвени куќарки и бина.
Во културата, на дневен ред се програмите и предложените буџети за фолклорниот ансамбл „Китка“ од Истибања и за 42. ЦИОФФ Меѓународен фолклорен фестивал „Истибањско здравоживо“ во 2027 година. Ќе се разгледуваат и годишната програма со финансиски план на КУД „Винеа“, барањето на „Лапа Фест“ од Градец за средства за 2027 година и барањето за финансиска и логистичка поддршка за „Café De Anatolia“ „Festival“ 2027.
Здружението за едукација, култура, развој на таленти и меѓугенерациска соработка „Фрагма“ бара поддршка за закуп на простор и одобрување пилот-проект. На дневен ред се и неговата годишна програма и финансискиот план за 2027 година. Меѓу финансиските точки е и извештајот на „Лидер-Дуке“ за 2025 година за средствата одобрени од Советот.
Во спортскиот дел, на дневен ред се програмата и финансискиот план за 2027 година на младинската организација „Еден за сите, сите за еден“ од Градец, како и нејзиното барање за поддршка на Илинденскиот фудбалски турнир во Градец. Дополнително се вклучени програмата и финансискиот план на КК „Винеам“, барањето на Сузана Димитриова од Штип за меморијалниот турнир во мал фудбал „Капетан Кирчо Димитриов“ во 2027 година и барањето на ГФК „Слога 1934“ за натпреварување, организирање, работење и водење во 2026/2027 година.
Стрелачкиот клуб „Феникс“ бара инфраструктурна поддршка за развој на спортското стрелаштво, како и финансиска поддршка за својата програма за 2027 година. За истата година ќе се разгледуваат барањата на спортско-риболовниот еколошки клуб „Крап“, бадминтон-клубот „Винчини“ и ЛЗ „Бел Камен“, програмата и барањето на мото-клубот „Драгонс“, како и програмата со финансиска конструкција на здружението за планински спортови „Чупино“.
Меѓу социјалните и хуманитарните точки се програмите за 2027 година и барањата за средства на Здружението на пензионери и „Умиление“, како и програмата со финансиски план на Центарот за поддршка на лица со интелектуална попреченост „Порака“. Ќе се разгледува и програмата со тековните трошоци на „Мобилност Виница“, меѓуопштинското здружение на лица со телесен инвалидитет за Виница, Делчево, Берово, Пехчево и Македонска Каменица.
Општинската организација на Црвениот крст има програма за 2027 година и бара средства за унапредување на крводарителството и поддршка на младите. На дневниот ред се и програмите со барања за финансирање на здруженијата на жени „Златно доба“ и „Златни срца“, барањето на „Бесконечно царство“, програмата со буџет на Доброволното противпожарно друштво и работната и финансиската програма на Регионалната занаетчиска комора за 2027 година.
Советот ќе разгледува и поединечно барање за финансиска помош за лекување, како и барање за утврдување правен статус на бесправно изграден објект. Предвидени се формирање комисија за подготовка на програмата за работа на Советот за 2027 година и советнички прашања. Во дополнувањето се вклучени решението за свикување на седницата и записникот од претходната, 13-та редовна седница.
Општината упатува на својата страница за материјали за советници.







Коментари (0)
Коментарите за оваа објава се затворени.