Заинтересираните треба да понесат парче стара или оштетена облека во центарот на адреса Крушево 5. Тоа може да биде маичка со дупка, фармерки што сакаат да ги скратат или старо парче облека на кое сакаат да му го сменат изгледот.
Со менторска помош, учесниците ќе имаат можност практично да учат основни техники на шиење и поправка, креативно крпење и редизајн. Програмата опфаќа и преобразување на старите парчиња облека во нешто ново.
Покрај практичната работа, ќе се учи и за одржлива мода и намалување на текстилниот отпад. Работилницата ја носи пораката „Поправи наместо да фрлиш“ и е дел од еко-клубот на Младинскиот центар Битола.
Активноста е дел од проектот за граѓанското општество и младите за инклузивен и одржлив развој преку циркуларна економија во Северна Македонија, финансиран од Европската Унија. Проектот го спроведуваат „People in Need“, АРНО, ЛЕАД и Ековита.







Коментари (0)
Коментарите за оваа објава се затворени.