Практичните вежби опфатија подготовка на содржина, водење разговор и обликување медиумска приказна наменета за публиката. Младинскиот „Impact Media Hub“ е оформен како простор посветен на снимање и создавање поткасти.
Фондацијата ја поврзува оваа работа со медиумската писменост: препознавање добра приказна, поставување соодветни прашања, информирање и препознавање дезинформации. Нејзината порака е младите да не останат само публика и корисници на медиумите, туку да бидат раскажувачи, критички мислители и активни учесници во позитивни промени, користејќи го медиумскиот простор за позитивни пораки.
Во проектот учествуваат ученици од велешките средни училишта „Кочо Рацин“, „Коле Неделковски“, „Јовче Тесличков“ и „Димитрија Чуповски“. Обуките ги водеа Габриела Лескова, Петре Печков, Пандорче Андовска и Диме Зафиров.
Проектот „Создавај, информирај, инспирирај! Од локално до глобално: Младински Impact Media Hub за позитивни промени“ е финансиран од Европската Унија преку програмата „SMS Facility“ – Поддршка за мали медиуми и организации во Западен Балкан.






Коментари (0)
Коментарите за оваа објава се затворени.