На крак 38 од булеварот „Македонско Косовска Бригада“ со механизација се отстранува оштетениот асфалтен материјал и се нивелираат шахтите.
Се работи и на пешачки површини. На улицата „Ѓорче Петров“ се вршат машински ископ и порамнување на тампонската подлога на пешачка патека, додека во Мега парк Карпош се подготвуваат пешачките и пристапните патеки за асфалтирање.
На улицата „Народни херои“ се поставуваат заштитни столпчиња, а оштетените столпчиња на градските сообраќајници се санираат. На семафоризираните крстосници се поправаат дефекти на семафорите и светлосната опрема. Одржувањето на сообраќајната сигнализација и опрема на градските сообраќајници опфаќа и ноќни активности.
Во Зоолошката градина се бетонираат темелите за парапетниот дел на оградата, а на кејот на Вардар рачно се чисти обраснатата вегетација на косините.







Коментари (0)
Коментарите за оваа објава се затворени.