Советот ќе ги поврзува и координира институциите и другите релевантни чинители за навремено препознавање на ризиците и преземање превентивни активности. Целта е системски пристап кон спречувањето на детското престапништво и создавање побезбедна средина за децата и младите.
Покрај насилството меѓу врсниците и во училишната средина, програмата опфаќа превенција од ризични однесувања и зависности, како и безбедност на децата во дигиталниот простор. Ќе се работи и на поддршка на семејствата и јакнење на родителските капацитети, социјална инклузија и поддршка на децата во ризик.
Меѓу приоритетите се и зајакнувањето на институционалната соработка и капацитетите на самиот Совет. На седницата беше донесен и Деловникот за работа. Со него и со Програмата се утврдуваат начинот на функционирање, надлежностите и приоритетните активности на телото.
За претседателка на Советот беше избрана Емилија Димитровска, педагог во Центарот за социјални работи. Секретарка е Анита Цоневска, граѓанска активистка и правник во Организација ЖЕНА.







Коментари (0)
Коментарите за оваа објава се затворени.