Ораторската вечер е закажана за 17 декември 2026 година, во 18 часот. Подготвените говори се доставуваат во електронска форма на su.sou.kostasusinov@gmail.com. Целта на натпреварот е да им овозможи на учениците да ги подобрат своите говорнички способности.
Говорот треба да биде разбирлив за пошироката публика, јасен, прецизен, едноставен и добро структуриран. Не е дозволено користење дополнителни технички средства и материјали. Учесниците можат да користат белешки додека зборуваат, но треба да внимаваат со тоа да не ја нарушат ефикасноста на говорот.
Секој настап треба да трае најмалку четири, а најмногу шест минути. За пречекорување на времето ќе се одземаат поени. Времето ќе го мери лице назначено од организаторот, а натпреварувачите нема да бидат информирани за него додека настапуваат.
Тројца членови на жирито индивидуално ќе ги оценуваат содржината и композицијата на подготвениот говор, како и неговата изведба. Тие можат да седат на различни места во просторијата. Ако повеќе натпреварувачи имаат еднаков број бодови, ќе победи оној со повеќе поени за општ впечаток.







Коментари (0)
Коментарите за оваа објава се затворени.