362 вести · 24 ч.
Берово 6°
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

Основците од II до V одделение во Струмица ќе добијат извештаи за физичката подготвеност

Извор на фотографијата: Општина Струмица
Извор на фотографијата: Општина Струмица

Учениците од II до V одделение во основните училишта во Општина Струмица ќе добијат индивидуална картичка и извештај за физичката подготвеност, достапни и за нивните родители. Тие се опфатени во првата година од четиригодишниот проект за следење на физичкиот развој и спортскиот потенцијал, кој започна денеска.

Проектот има цел континуирано да го следи физичкиот развој на децата, навреме да ги препознава нивните потреби и да го поттикнува спортскиот потенцијал. Градоначалникот Петар Јанков порача дека во фокусот се децата, нивниот раст, физичката подготвеност и способностите.

Проектот се спроведува во соработка со Факултетот за физичко образование, спорт и здравје при УКИМ во Скопје. Неговиот почеток денеска го означи Јанков.

Преку проектот МАКфит ќе се спроведуваат мерења и тестирања во соработка со стручниот тим од Факултетот, а резултатите ќе се внесуваат во сопствен фитнес-картон за секое дете.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.