Целта на реконструкциите е, покрај обновувањето на коловозите, да се обезбеди побезбеден и поуреден јавен простор. Градоначалникот Горан Герасимовски, во гостувањето во емисијата „Отворено со градоначалниците“ на Македонско радио – Радио Скопје, рече дека при обновувањето на улиците во текот на годината се води сметка и за пешаците и за велосипедистите. Тој најави продолжување на инфраструктурните инвестиции во сите населби според потребите на жителите.
Во завршна фаза е и реконструкцијата на улицата „Мирослав Крлежа“. За пролонгирањето на работите на оваа улица, Герасимовски рече дека причината се непредвидени околности на терен, за кои, според него, не е одговорна Општината.
Во Маџир Маало е поставена нова водоводна и фекална мрежа за околу 200 жители. Асфалтиран е и дел од улицата „Маџир Маало“, по кој жителите со години се движеле по земјен пат.
Во Ново Маало е асфалтиран крак од улицата „Истарска“, а реконструирана е и улицата „Светозар Марковиќ“. По барање на жителите, асфалтиран е и крак од улицата „Загрепска“.







Коментари (0)
Коментарите за оваа објава се затворени.