Во делегацијата беа советниците во Град Скопје Катерина Јовановска, Милица Давчева и Андреа Јанков, кои им оддадоа почит на ослободителите на градот.
На 13 ноември 1944 година, партизанските единици на Народноослободителната војска го ослободија Скопје од фашистичката окупација. Левица потсети дека меѓу борците имало работници, студенти и младинци кои се бореле за слободен град и за поинаков општествен поредок.
За партијата, одбраната на јавниот интерес во денешно Скопје значи борба за чист воздух, достапен јавен превоз, училишта и градинки за сите деца, како и јавен простор во кој секој има место. Левица порача дека таков град им се должи и на оние што го ослободиле и на оние што денес растат во него.







Коментари (0)
Коментарите за оваа објава се затворени.