Предавањето беше посветено на достапната помош за живот без насилство. Учениците беа запознаени со различните форми на семејно насилство, начините за пријавување случаи и механизмите преку кои институциите обезбедуваат заштита и поддршка на жртвите.
Целта беше учениците да се информираат и да се подигне нивната свест за спречувањето на насилството и барањето помош од институциите. Беше објаснета важноста на навременото препознавање и пријавување насилство, како и улогата на институциите во обезбедувањето заштита и сигурност.
Предавањето ја опфати и важноста на спречувањето на малолетничката деликвенција. Предавачи беа Мернуш Ферати, самостоен инспектор во Отсекот за превенција при СВР Тетово, и Татјана Лалчевска, виш инспектор за семејно насилство и малолетничка деликвенција при СВР Тетово.
Училиштето порача дека насилството не треба да се премолчува, дека помош постои и дека секој има право на живот без насилство.







Коментари (0)
Коментарите за оваа објава се затворени.