Според отчетот, општината во соработка со Министерството за транспорт обезбедила средства за целосна реконструкција на четири локални улици, долги околу пет километри. На нив е реконструирано и уличното осветлување, со подземна инсталација и нови канделабри.
Во соработка со Центарот за развој на Југозападниот плански регион била набавена специјална машина за одржување на канализацискиот систем и хидрауличен мини-багер. Со Министерството за животна средина и просторно планирање биле обезбедени 850 канти, по една бесплатна за секое домаќинство. Во рамки на регионален проект за управување со цврст отпад, поддржан од Европската банка за обнова и развој, било набавено и специјално возило за собирање отпад.
Преку Бирото за регионален развој биле обезбедени средства за набавка на камион за одржување на јавното зеленило и машина за електрофузионо заварување на цевки. Бесплатен интернет бил обезбеден во централното подрачје на Вевчани преку проектот „Wi-Fi“ за Западен Балкан, во соработка со „GIZ“.
Во отчетот се наведуваат и уредување пешачки патеки и јавни површини, пристапни патишта и дворот на детската градинка. Продолжила и организацијата на манифестацијата Вевчанско лето.






Коментари (0)
Коментарите за оваа објава се затворени.