Меѓу барањата биле асфалтирање на два крака од улица „1“ во МЗ Усје и изработка на проект за целосно затворање на Усјанскиот канал. Жителите побарале и сообраќаен знак за ограничување на носивоста за камионите и миксерите што минуваат низ населбата, проширување на мостот на улица „4“ и реконструкција на улицата во месноста „Дупки“. Била истакната и потреба од поголем паркинг пред црквата „Св. Атанасиј“.
На средбата, на која присуствувале и раководителите на секторите од општинската администрација, се разговарало и за досегашните активности и плановите за идни инвестиции. Присутните упатиле благодарност за финансиската поддршка и покривањето на котизацијата за ФК Усје, што му овозможило непречено учество во натпреварите. Жителите го поздравиле и редовното одржување на хигиената, вклучувајќи чистење, косење и кастрење гранки, а го истакнале и значењето на започнатиот процес за средување и уредување на Усјанскиот канал.
Предлозите и забелешките биле нотирани од стручните служби со цел, според објавата, веднаш да се пристапи кон нивно решавање. Градоначалничката најавила дека теренските средби ќе продолжат и дека циклусот ќе ги опфати сите месни и урбани заедници во Кисела Вода.







Коментари (0)
Коментарите за оваа објава се затворени.