Со учениците се разговараше за значењето на читањето и за тоа зошто дигиталниот свет нѐ поттикнува да го избереме филмот наместо книгата според која е снимен. Дел од разговорот беше и недостигот од слободно време за редовно читање во динамичното секојдневие.
Библиотеката порача дека книгите се извор на знаење и инспирација и дека читањето ја поттикнува љубопитноста. Посебно ја нагласи вредноста на запознавањето со размислувања и ставови различни од сопствените, како поттик за фантазијата и креативноста.
По читањето, учениците ги преточија басните во илустрации. Библиотеката ја опиша атмосферата како весела и инспиративна и оцени дека спојувањето на читањето со уметноста им овозможило на четвртоодделенците да ја покажат својата креативност во практичната работа.
За работилницата библиотеката им се заблагодари на наставничката Даниела Јончевска и на директорката Наташа Ставревска.







Коментари (0)
Коментарите за оваа објава се затворени.