Постапката, наречена валидација, подразбира проверка и оценување на постојните знаења и вештини. Таа е наменета за невработени лица евидентирани во Агенцијата за вработување, со најмалку основно образование, кои стекнале практично искуство и знаења преку работа, самостојно учење или неформално образование.
Кандидатите можат да изберат квалификација за пекар, изработувач на пица, производител на млечни производи, пчелар, управувач со трактор, автомеханичар, фризер или естетичар за нега на раце и нозе.
Пријавувањето е во Центарот за вработување, секој работен ден од 09:00 до 14:00 часот, до 20 ноември 2026 година. Планирано е да бидат опфатени 200 невработени лица.
Со кандидатите што ги исполнуваат условите ќе се склучи договор за учество. Потоа постапката за валидација ќе започне во ДСУ-РЦСОО „Киро Бурназ“ во Куманово.
Дополнителни информации може да се добијат на телефонскиот број 02-3111-850.






Коментари (0)
Коментарите за оваа објава се затворени.