361 вести · 24 ч.
Берово 6°
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

Сиљановска-Давкова се сретна со Руте во Брисел и ги истакна ставовите за НАТО

Фотографија објавена на јавниот профил на Гордана Сиљановска-Давкова
Фотографија објавена на јавниот профил на Гордана Сиљановска-Давкова

Претседателката Гордана Сиљановска-Давкова се сретна со генералниот секретар на НАТО, Марк Руте, за време на работната посета на Брисел. Таа ја истакна посветеноста на Македонија на НАТО и колективната одбрана и ги изнесе своите ставови за сертификацијата на армиската единица и безбедноста на Западен Балкан.

Сиљановска-Давкова оцени дека сојузничкото единство и силната трансатлантска врска се темелни предуслови за безбедноста на сојузниците.

Таа изрази задоволство од сертификацијата на Лесната пешадиска баталјонска група како борбено подготвена. Според неа, сертификацијата ја потврдува професионалноста и способноста на Армијата да придонесува во операциите предводени од НАТО, ЕУ и ОН.

Во врска со европската интеграција, претседателката посочи дека исполнувањето на високите сојузнички стандарди треба да биде пример за доследна примена на Копенхашките критериуми.

За Западен Балкан таа истакна дека регионот мора да остане високо на стратешката агенда на НАТО и ЕУ, особено во услови на засилени хибридни закани, дезинформации и злонамерни надворешни влијанија.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.