Најважно
353 вести · 24 ч.
Берово 6°
Најважно
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

Собраниската комисија го отфрли предлогот на Левица за поддршка на станбени кредити

Гледај на Facebook

Мнозинството во собраниската Комисија за финансирање и буџет на 2 ноември го отфрли во прво читање предлог-законот на Левица за семејна и станбена поддршка. Предлогот предвидува државата да преземе дел од главнината на кредит за прв дом при раѓање или посвојување дете.

Според предлогот, средствата би се уплаќале директно во банката и би ја намалиле месечната рата. Мерката би имала јасни услови и заштитни механизми против злоупотреби. Би ги опфатила и постојните станбени кредити склучени во последните пет години, согласно законските услови.

Левица наведе дека понудила заедничко усогласување на решението. Пратеникот Амар Мециновиќ ги повикал пратениците од мнозинството да разговараат за висината на поддршката, вклучително и за можност таа да биде 20, 10 или 5 проценти, како и за начинот на пресметување. Според Левица, предлогот бил отфрлен без забелешки и без аргументирана расправа.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.