Трајков оцени дека политичкото учество на жените е важно и за квалитетот на демократијата. Таа посочи дека земјите од Западен Балкан се соочуваат со слични предизвици, а заедничките искуства се можност за создавање регионални решенија.
Како важни области за соработка ги издвои образованието и развојот на вештините, економското зајакнување и претприемништвото, политичкото учество на жените, дигиталната трансформација и пристапот до новите технологии, како и спречувањето и борбата против насилството врз жените и девојчињата.
Трајков ја нагласи важноста на менторството и поддршката за младите жени. Таа посочи дека жените на лидерски позиции имаат одговорност да го пренесат своето знаење и искуство на следните генерации, а младите жени треба да имаат пристап до образование, менторство, професионални мрежи, лидерски можности и процесите на донесување одлуки.
Осврнувајќи се на вештачката интелигенција и дигитализацијата, Трајков ги посочи нивните можности и ризици. Таа повика жените да не бидат само кориснички на новите технологии, туку и нивни креаторки, иноваторки, истражувачки, претприемачки и носителки на одлуки.







Коментари (0)
Коментарите за оваа објава се затворени.