Сали истакнал дека пристапниот процес треба да биде праведен, предвидлив и заснован на заслуги, со јасни критериуми што ги вреднуваат реформите и конкретните резултати. На средбата го претставил напредокот во спроведувањето на Реформската агенда и приоритетите од Планот за раст за Западен Балкан. Според него, постепената интеграција треба да донесе видливи придобивки за граѓаните и стопанството и да поттикне забрзување на реформите кон полноправно членство.
Сали ја нагласил важноста на соработката преку холандската програма за општествена трансформација МАТРА, особено во областа на владеењето на правото, како и на размената на експертиза меѓу институциите. На средбата биле разгледани и можностите за понатамошна соработка во зајакнувањето на институциите, размената на искуства и развојот на заеднички проекти.







Коментари (0)
Коментарите за оваа објава се затворени.