Божиновска навела дека на состанокот разговарале за проекти што преминуваат од планови во реализација. Таа ги посочила гасните интерконектори со Грција и Србија и вклучувањето во Вертикалниот гасен коридор како особено значајни за Македонија.
Според Божиновска, поврзувањето би отворило нови правци за снабдување, вклучително и пристап до течен природен гас преку Александруполис.
Разговорите опфатиле и подготвеност на електроенергетските системи за зимата, обновливи извори, модернизација на мрежите, батериски системи и складирање енергија, како и поголема интеграција на регионалните пазари со европскиот енергетски пазар.
Како можности за иднината, Божиновска ги навела подготовката на инфраструктура за транспорт на водород и потенцијалното поврзување Солун–Скопје–Ниш за транспорт на нафтени деривати.







Коментари (0)
Коментарите за оваа објава се затворени.