Отворањето на 14 октомври ќе биде со филмот „Три недели подоцна“ на режисерот Мирослав Терзиќ. Потоа следува главната програма со шест филмски остварувања.
Уметничката директорка Гена Теодосиевска најави дека Албанија ќе биде земја во фокус. Во Скопје доаѓа режисерот Емин Алпер, лауреат од Берлинале, а публиката ќе може да го погледне неговиот дебитантски филм „Зад ридот“.
Градоначалничката на Кисела Вода, Бети Стаменкоска-Трајкоска, најави дека ученици од основните училишта ќе учествуваат во филмските работилници „Снимај паметно, остави трага“. Работилниците се во соработка со режисерката и менторка Марија Џиџева, а најдобрите филмски приказни создадени од учениците ќе бидат прикажани на фестивалот.
Двете кино-сали во кои ќе се прикажува програмата се во домовите на културата во Кисела Вода и Драчево. Тие се отворени во соработка со „Киноверзум“.







Коментари (0)
Коментарите за оваа објава се затворени.