Според ВМРО-ДПМНЕ, Филипче го отворил случајот во јавноста откако Петровска се приклучила на Платформата „12.05“, која побарала негово повлекување од лидерската позиција. Партијата наведува дека тој потоа ја прозвал Петровска за договорот за набавка на хеликоптери, за кој, според наводите што му ги припишува на Филипче, постоела разлика од 37 милиони евра.
ВМРО-ДПМНЕ прашува зошто Филипче не ги доставил информациите порано до надлежните институции и, доколку со години располагал со нив, зошто дотогаш молчел. Партијата го обвинува дека наводите ги користи за внатрепартиска пресметка, наместо да постапува еднакво кон сомнежите во сопствените редови и кај политичките противници.
Вчера ВМРО-ДПМНЕ побара Филипче да ги достави информациите и доказите до надлежните институции и да ги презентира пред обвинител. Во вчерашното соопштение за истиот спор, СДСМ наведе дека информациите за разликата во цената на хеликоптерите се во Министерството за одбрана и ја повика власта да ги провери.







Коментари (0)
Коментарите за оваа објава се затворени.