Ова е првиот долгометражен филм на режисерот и косценарист Гаурав Бардваџ. Филмот го продуцираат „Travelin Bone Entertainment“ и „Imagination Infinite Motion Pictures“. Во актерската екипа се и Мина Сандвол, Ракшит Бучар и Рохан Малетира, а за последните двајца ова е долгометражно филмско деби.
Приказната е сместена во конкурентната њујоршка актерска средина и следи талентиран индиски актер кој потпаѓа под влијанието на учителот што го игра Кајтел. Додека амбицијата, пријателството и уметничките идеали се судираат, учителот ги предизвикува ликовите да размислат од што би се откажале за да успеат.
Според Бардваџ, филмот ги следи патиштата на четворица уметници, индиски актер, канадски актер, американски драматург кој е и режисер и учителот по глума што го игра Кајтел. Филмот се занимава со стремежите и односите меѓу луѓето, а режисерот вели дека во средиштето е борбата да се зачува сопствениот идентитет кога амбициите бараат лични жртви.







Коментари (0)
Коментарите за оваа објава се затворени.