Системот веќе ги детектира прекршоците на возачите на мотоцикли. Министерството за внатрешни работи спроведува и засилени сообраќајни контроли, вклучително и на возачи на мотоцикли и мопеди, со акцент на брзината, соодветната возачка дозвола, носењето кацига и почитувањето на другите сообраќајни правила.
Фестивалот се одржува од 1 до 4 октомври на паркингот пред Спортскиот центар „Борис Трајковски“. Покрај промоцијата на мотоциклизмот, негов фокус е подигањето на свеста за безбедноста во сообраќајот. Програмата вклучува тест-возења, работилници за безбедно управување со мотоцикл, едукација на почетници и активности за правилна употреба на заштитната опрема и запознавање со сообраќајните прописи. Во едукативниот дел е вклучен и Републичкиот совет за безбедност на сообраќајот на патиштата.
Тошковски ги посочи едукацијата, личната одговорност и почитувањето на правилата како клучни за безбедноста на мотоциклистите. Тој рече дека кацигата, заштитната опрема и почитувањето на ограничувањето на брзината и сообраќајните правила се важни за спречување загуби на животи.
Според Тошковски, во првите девет месеци од годинава имало 33 жртви помалку во сообраќајот отколку во истиот период лани, односно околу 30 проценти помалку загубени човечки животи. Бројот на повредени лица, според него, бил намален за околу 19 проценти. Тој рече дека позитивниот тренд ги опфаќа и сообраќајните незгоди со учество на мотоциклисти и дека целта е дополнително да се засилува.
МВР најави дека ќе продолжи со превентивните активности, едукацијата, засилените контроли и примената на современи технологии, со цел поголема безбедност за сите учесници во сообраќајот.







Коментари (0)
Коментарите за оваа објава се затворени.